Cinnamon Cookies

Cinnamon Cookies

انا من عشاق نكهة السنمون!
ممكن أحط السنمون بأي شي 
المهم ولقيت هذي الوصفة كوكيز بالسنمون وفيها بهارات ثانية زنجبيل ولوز وكذا

المقادير:
كاس طحين
ملعقتين كبار قرفة مطحونة
ملعقة صغيرة زنجبيل
لوز مطحون تقريبا طحنت ١٠ حبات
تشوكلت استخدمي النوع اللي تحبينه انا هنا استخدمت فليك
كاس سكر بودرة
نص ملعقة بيكربونت الصوديوم
بيضة
٥٠ جرام تقريبا زبدة


الطريقة:
اخلطي المكونات الجافة سوا بعدين
ضيفي عليها الزبدة تكون بحرارة الغرفة أو انك تسيحينها بالمايكرويف وتحطينها شوي شوي
ابدي فتفتي الطحين وحاولي تجانسينة مع الزبدة بيبدا يتكور عندك زي الصورة فوق
ضيفي عليها البيضة وحاولي قد ماتقدرين تجمعينها
طبيعي بيتفتت معك عادي
لفي الخليط ببلاستك وحطية بالفريزر ربع ساعة تقريبا
افتحي الفرن على درجة حرارة ١٥٠
١٠ دقايق على الاقل قبل ماتخبزينها
ارجعي طلعيها وابدي قطعيها وكوريها ورصيها بصينية مدهونة بزبدة
واخبزيها بالفرن لمدة ١٢ دقيقة بس!
طلعيها وخليها تبرد وتنشف شوي ثم قدميها

الوصفة هذي تقريبا طلعت معي ١٢ قطة.. عاد يعتمك على تشكيلكم لها وكذا

عافية على قلوبكم :$

Chicken & Cheese Panini

Chicken & Cheese Panini

ميزة هالعجينة انها سريعة وسهله مرررره!  
مكونتها :
كاسين طحين
ملعقتين كبار سكر
ملعقتين كبار بودرة حليب
ملعقتين كبار خميرة
رشة ملح
نص كاس ماء دافي"قابل للزيادة"
نص كاس زيت

الحشوة:
انا هنا سويت حشوتين  جبن ودجاج
الجبن مكونتها
جبنه مالحة
cram cheese
طمام وبصل مقطعة صغااار
زيت زيتون
جرجير

للدجاج:
صدور دجاج مقطعة شرايح صغيرة
مايونز
طمام
جرجير
شرايح جبن

الطريقة:
اول شي نحط المكونات الجافة سوا الطحين والخميرة وبودرة الحليب والسكر والملح.. ونصب فوقها الزيت وكاس الماء شوي شوي لين تحسين العجينة بدت تتماسك معك اذا بديتي تشوفين انها تتلصق زيدي الطحين لين تضبط معك
خليها تتخمر لمدة ١٠ دقايق تقريبا.

بنسبة للحشوة الجبنة حطي المالحة والكريمية سوا مع الزيت الزيتون وقلبيهم بشوكة لين تتجانس وضيفي عليها البصل والطماطم وشوي فلفل اسود لو حابة.

وحشوة الدجاج شوحي الصدور بنار مع بهاراتك اللي تحبين لين تستوي.

لما تجهز عجينتك افرديها وشكليها بالشكل اللي يعجبك عقب كذا خذي قطعة وحطي عليها الحشوة "جرجير وخلطة الجبن" أو "ادهنيها مايونيز وعليها الجرجير والدجاج وشريحة الجبن وطماطم" وحطي عليها قطعة ثانية وسكري الجوانب زي بالصورة فوق.

ورصيها على الشواية وسكري عليها تقريبا ولا ٥ دقايق لين تحمّر تصير جاهزة اقسميها بالنص لو حابة كشكل أحلى بالتقديم وكذا



وبالشفاا والهناا

The green salad with apples

هالسلطة ماراح تدخل الا مزاج الناس الذويقين جدًا
طعمها صح غريب بس مره لذيذ  

المقادير:
للسلطة طبعا بتقديرك يعني
خس
جرجير
خيار
فلفل رومي
كزبرة
تفاح اخضر
لوز

الصوص :
ملعقة بلسميك + ملعقة خردل + معلقة عسل + زيت زيتون واطعم لما تكثرينة

الطريقة :
طبعا تقطعين مقادير السلطة بالشكل اللي تحبين وقلبي بالصوص خلطيم سوا وصبيه على السلطة
حمصي اللوز مع نقطة زيت لين يقلب لونه وكبيه عليه

بالعافية

Blackberry and Rosberry cake

اهلييييينات بعد طول غياب 

وحشتكم هماه! 

المهم جبتلكم وصفة كيك انماا ايييييه  !

blackberry & roseberry cake ! 

المقادير :
كوبين دقيق + ملعقتين كبار دقيق اعزليهم
م.ك بيكنق بودر
ملعقة صغيرة ملح
ملعقة صغيرة روح الفانيلا
زبدة 225 غرام
كوب سكر
نص ليمون
3 حبات بيض
علبة زبادي او كاس لبن
تشكيلة من حبات التوت

الطريقة :

اول شي سخني الفرن درجة حرارة 350 - وخذي  الصينية اللي بتسوين فيها الكيك 

ادهنيها بالزبدة زيين ورشي فوقها دقيق لين يتغطى بالكامل واتركيها بثلاجة تبرد شوي

بالنسبة للكيك تخلطين المكونات الجافة سوا ( كاسين الدقيق + البيكنق بودر + الملح )

بوعاء ثاني اخفقي الزبدة مع السكر والليمون بعدين ضيفي البيضات واخفقيهم زييين 

ضيفي الخليط الجاف على السائل شوي شوي مع اللبن واخفقي لين يتجانسون

بعد كذا رشي التوت بدقيق زي بالصورة فوق

وضيفيهم للخليط وقلبيهم بشوييييش على مهلك 

حطي الخليط بصينيتك ودخليها للفرن تخبز بعد ربع ساعة نزلي درجة حرارة الفرن لين 150

خليها بالفرن تقريبًا لمدة 45 دقيقة

لما تجهز طلعيها من الفرن وخليها نص ساعة كذا تبرد وتتماسك

ثم قطعيها وقدميها

صحة وهناااا 

broccoli and potato soup

شوربة البروكلي بالبطاطا 

طعمممممة خياليه وسهله مرررره 

المقادير:

حبتين بطاطس

وبروكلي

 حبة جزر

نص كاس كريمة

الطريقة :

اسلقي البروكلي والبطاطس والجزر سوا لين ينضجووون

حطيهم بالخلاط مع الماء اللي سالقة فيه ، حسب رغبتك اذا تبينها ثقيله خففي الماء واذا لا زوديه

واخلطي ، عقب ضيفي الكريمة

بنسبة لي ماحسيت انها تحتاج بهارات ولا ملح ابد ابد

بس ضفت شوي فلفل اسود مع الليمون وطلعت يممممممي

وخلي بعض حبات البروكلي اذا بتزينين شكله وكذا

صحتين وهنااا

صينية توست بدجاج

 

اسهل وألذ صينية تبدعين فيها على الاطلاق !!  

المقادير :

كيس توست

الحشوة :

صدور دجاج

فلفل رومي " اخضر - اصفر - احمر "

بصل

الصوص:

٣ كاسات كريمة Elle & Vire 

كاس دقيق

٣ ملاعق جبن كرافت سايلة




الطريقة :
تبدين بالحشوة عادي تقطعين صدور الدجاج ويفضل تكون صغيرة مررة
تقلبينها بالنار مع زيت وبصل والفلفل الرومي بألوانه الثلاث .. وضيفي اللي تحبين من البهارات
انا دايم احط ملح وفلفل اسود بس ..
خذي حبات التوست وقصي اطرافها ورصيها على الصينية طبقة وحدة ، وحطي الطبقة الثانية الحشوة وطبقة ثالثه بعد رصي حبات التوست ..
الصوص :
سخني الكريمة مع الجبن كرافت ع النار لين تحتمي شوي عقب ضيفي كاس الدقيق  وحركي حركي لييين تبدا تثقل 
صبيها على طول على صينيتك 


دخليها الفرن لين تبدا تحمّر تقريبا لمدة نص ساعة او اقل !
وبس عاد زينيها بطماطم او كزبرة وكذا


بالعافية

بسبوسة بالأوريو

بسبوسة بالأوريو  

المقادير :
كاس سميد
حبتين بيض
علبة قشطة
نستلة "حسب الرغبة"
نص كاس سكر
نص كاس زيت
م.ك بيكنق بودر
شعيريه باكستانية
بسكوت اوريو
بسكوت الشاي


الطريقة :
نخلط البيض مع السكر مع البيكنق بودر لين تتجانس
نضيف عليها السميد والقشطة والزيت والنستلة ونخلطهم زين
بعد كذا نكسر الاوريو وبسكوت الشاي على الصينية او على ورق الكب كيك كتغيير منظر 
نحط فوقة الخليط وبعدها نكسر الشعيرية عليه
نحطة بالفرن درجة حرارة ١٨٠ .. لين تنخبز تقريبًا يبيله نص ساعة كذا !
واذا خلص وحسيتو السكر ماش مب كثير .. صبوا عليه نستله بعد


 وبالعافية :$

Chocolate Fondant

التشوكلت فوندنت
 - المقادير :
اصبع زبدة
بودرة كاكاو
نصف كوب سكر
كوب دقيق
بيضتين + ٢ صفار بيض
لوح تشوكلت خام
ملعقة بيكنق بودر
ملعقة فانيلا سائلة


- الطريقة :
اول شي عشان لايلصق الكيك بالقوالب فيه طريقة خرافية !
تذوبين الزبدة وتاخذين القوالب وتدهنينهم فيها وبعد كذا دخليهم الفريزر لمدة ١٠ دقايق كذا وارجعي ادهنيها بالزبدة ثاني ، حطي داخلها بودرة الكاكاو وقلبيها لين تغطى بالكامل ..

نجي للخليط
ذوبي الزبدة ولوح التشوكلت بالمايكرويف وبزبدية ثانيه اخلطي السكر والبيض والبكنق بودر والفانيلا لين يتجانسون ، بعد كذا ضيفي الدقيق عليه وخلطي
ضيفي الزبدة والتشوكلت عليهم وخلطي لين يتجانسون اذا حسيتيه مررره ثقيل خففيه بحليب شووي ..

صبي الخليط على القوالب وحطيهم بالثلاجة ربع ساعة وشغلي الفرن على حرارة ١٨٠ .. بعد كذا حطيهم بالفرن لمدة ١٠ دقايق تقريبا لين تشوفين الكيك بدا ينخبز وتكبر وبهالناء والعافية :$

pancake

نستفتح بالبان كيك
مرررره سهله ومايبي لها وقت !

المقادير :
كوب دقيق
كوب حليب
١ بيض
ربع اصبع زبده
ملعقة اكل بكنق بودر" baking powder "
نص ملعقة فانيلا
سكر " حسب الحاجة "
شوية ملح


الطريقة :
نقلب المكونات الجافة سوا الدقيق بالبكنق بودر والفانيلا والسكر والملح
نسيح الزبدة ونضيفها لهم
ونلخبطهم بالملعقة سوا لين يصير بودرة شوي
ويفضل انك تستخدمين يدينك
انتبهي لايكون فيه كتل ، حاولي قد ماتقدرين تتفتت
وضيفي الحليب والبيضة عليهم ، واخلطيهم بالشسمه المضرب
اللي باليد او الآلة .. بس مب الخلاط !
كل ماحسيتي الخليط ثقيل ضيفي شوي حليب
بس لا يصير مرره خفيف ، يعني وسط ..
ادهني المقلاة بزبدة بس مرة وحده
وابدي صبي خليط البان كيك بالحجم اللي تبينه
وقلبيه .. وبس 

بالعافيه