Chicken & Cheese Panini
ميزة هالعجينة انها سريعة وسهله مرررره!
مكونتها :
كاسين طحين
ملعقتين كبار سكر
ملعقتين كبار بودرة حليب
ملعقتين كبار خميرة
رشة ملح
نص كاس ماء دافي"قابل للزيادة"
نص كاس زيت
الحشوة:
انا هنا سويت حشوتين جبن ودجاج
الجبن مكونتها
جبنه مالحة
cram cheese
طمام وبصل مقطعة صغااار
زيت زيتون
جرجير
للدجاج:
صدور دجاج مقطعة شرايح صغيرة
مايونز
طمام
جرجير
شرايح جبن
الطريقة:
اول شي نحط المكونات الجافة سوا الطحين والخميرة وبودرة الحليب والسكر والملح.. ونصب فوقها الزيت وكاس الماء شوي شوي لين تحسين العجينة بدت تتماسك معك اذا بديتي تشوفين انها تتلصق زيدي الطحين لين تضبط معك
خليها تتخمر لمدة ١٠ دقايق تقريبا.
بنسبة للحشوة الجبنة حطي المالحة والكريمية سوا مع الزيت الزيتون وقلبيهم بشوكة لين تتجانس وضيفي عليها البصل والطماطم وشوي فلفل اسود لو حابة.
وحشوة الدجاج شوحي الصدور بنار مع بهاراتك اللي تحبين لين تستوي.
لما تجهز عجينتك افرديها وشكليها بالشكل اللي يعجبك عقب كذا خذي قطعة وحطي عليها الحشوة "جرجير وخلطة الجبن" أو "ادهنيها مايونيز وعليها الجرجير والدجاج وشريحة الجبن وطماطم" وحطي عليها قطعة ثانية وسكري الجوانب زي بالصورة فوق.
ورصيها على الشواية وسكري عليها تقريبا ولا ٥ دقايق لين تحمّر تصير جاهزة اقسميها بالنص لو حابة كشكل أحلى بالتقديم وكذا
وبالشفاا والهناا
ليست هناك تعليقات:
إرسال تعليق