التشوكلت فوندنت
- المقادير :
اصبع زبدة
بودرة كاكاو
نصف كوب سكر
كوب دقيق
بيضتين + ٢ صفار بيض
لوح تشوكلت خام
ملعقة بيكنق بودر
ملعقة فانيلا سائلة
- الطريقة :
اول شي عشان لايلصق الكيك بالقوالب فيه طريقة خرافية !
تذوبين الزبدة وتاخذين القوالب وتدهنينهم فيها وبعد كذا دخليهم الفريزر لمدة ١٠ دقايق كذا وارجعي ادهنيها بالزبدة ثاني ، حطي داخلها بودرة الكاكاو وقلبيها لين تغطى بالكامل ..
نجي للخليط
ذوبي الزبدة ولوح التشوكلت بالمايكرويف وبزبدية ثانيه اخلطي السكر والبيض والبكنق بودر والفانيلا لين يتجانسون ، بعد كذا ضيفي الدقيق عليه وخلطي
ضيفي الزبدة والتشوكلت عليهم وخلطي لين يتجانسون اذا حسيتيه مررره ثقيل خففيه بحليب شووي ..
صبي الخليط على القوالب وحطيهم بالثلاجة ربع ساعة وشغلي الفرن على حرارة ١٨٠ .. بعد كذا حطيهم بالفرن لمدة ١٠ دقايق تقريبا لين تشوفين الكيك بدا ينخبز وتكبر وبهالناء والعافية :$
ليست هناك تعليقات:
إرسال تعليق