السلام عليكم
عدنا بعد طول انقطاع :$
عدنا بعد طول انقطاع :$
طبق اليوم خفيف ولذيذ للي يحبون السبايسي
Spicy chicken wings ❤
المقادير :
- قطع أفخاذ دجاج أو اذا حابه صدر دجاج وقطعية بالشكل اللي يعجبك بس الأفخاذ ألذ.
- بهارات للدجاج، انا استخدمت " فلفل اسود + ملح + كمون + ليمونه ".
- بقسماط
- بيضة
- للسبايسي صوص:
" نص كوب شطة كريستال الحمراء + نص كوب خل + ٣ ملاعق سكر + ٣ ملاعق الصويا صوص الثقيلة " كتشب أسود " + نشاء"
- الرانش صوص.
الطريقة :
أول شي تمسكين الدجاج وتنظفينه من جلد وخرابيط حطي بهاراتك على الدجاج وخليه مدة من ربع ساعة لنص ساعة لين يتشربه، بعد كذا غمسي الدجاج بالبيض وغطية بالبقسماط بالكامل، بعد كذا اقليهم.
بنسبة للسبايسي صوص اخلطي المكونات كلها سوا بدون النشاء، وخليها على نار هادية تطبخ لين تسخن شوي وضيفي النشاء قلبي لين تحسين الصوص بدا يثقل.
خذي الدجاج الأفضل انك تغلفين اخرها من العظمة بقصدير او ورق أكل عشان يسهل أكلها، وغمسيه بالصوص ورصية بالشكل اللي يعجبك، بنسبة لصوص الرانش اذا ماتوفر عندك ممكن تسوين صوص عبارة عن ملعقتين من "زبادي + لبنة + مايونيز" مع شوي شبث يطلع حلو.
وبالعافية :$
