Cinnamon Cookies
انا من عشاق نكهة السنمون!
ممكن أحط السنمون بأي شي
المهم ولقيت هذي الوصفة كوكيز بالسنمون وفيها بهارات ثانية زنجبيل ولوز وكذا
المقادير:
كاس طحين
ملعقتين كبار قرفة مطحونة
ملعقة صغيرة زنجبيل
لوز مطحون تقريبا طحنت ١٠ حبات
تشوكلت استخدمي النوع اللي تحبينه انا هنا استخدمت فليك
كاس سكر بودرة
نص ملعقة بيكربونت الصوديوم
بيضة
٥٠ جرام تقريبا زبدة
الطريقة:
اخلطي المكونات الجافة سوا بعدين
ضيفي عليها الزبدة تكون بحرارة الغرفة أو انك تسيحينها بالمايكرويف وتحطينها شوي شوي
ابدي فتفتي الطحين وحاولي تجانسينة مع الزبدة بيبدا يتكور عندك زي الصورة فوق
ضيفي عليها البيضة وحاولي قد ماتقدرين تجمعينها
طبيعي بيتفتت معك عادي
لفي الخليط ببلاستك وحطية بالفريزر ربع ساعة تقريبا
افتحي الفرن على درجة حرارة ١٥٠
١٠ دقايق على الاقل قبل ماتخبزينها
ارجعي طلعيها وابدي قطعيها وكوريها ورصيها بصينية مدهونة بزبدة
واخبزيها بالفرن لمدة ١٢ دقيقة بس!
طلعيها وخليها تبرد وتنشف شوي ثم قدميها
الوصفة هذي تقريبا طلعت معي ١٢ قطة.. عاد يعتمك على تشكيلكم لها وكذا
عافية على قلوبكم :$
ليست هناك تعليقات:
إرسال تعليق