اسهل وألذ صينية تبدعين فيها على الاطلاق !! 
المقادير :
كيس توست
الحشوة :
صدور دجاج
فلفل رومي " اخضر - اصفر - احمر "
بصل
الصوص:
٣ كاسات كريمة Elle & Vire
كاس دقيق
٣ ملاعق جبن كرافت سايلةالطريقة :
تبدين بالحشوة عادي تقطعين صدور الدجاج ويفضل تكون صغيرة مررة
تقلبينها بالنار مع زيت وبصل والفلفل الرومي بألوانه الثلاث .. وضيفي اللي تحبين من البهارات
انا دايم احط ملح وفلفل اسود بس ..
خذي حبات التوست وقصي اطرافها ورصيها على الصينية طبقة وحدة ، وحطي الطبقة الثانية الحشوة وطبقة ثالثه بعد رصي حبات التوست ..
الصوص :
سخني الكريمة مع الجبن كرافت ع النار لين تحتمي شوي عقب ضيفي كاس الدقيق وحركي حركي لييين تبدا تثقل
صبيها على طول على صينيتك
دخليها الفرن لين تبدا تحمّر تقريبا لمدة نص ساعة او اقل !
وبس عاد زينيها بطماطم او كزبرة وكذا
بالعافية
